الاثنين، مارس 05، 2007
العاطفة
كلنا بنسمع دايما ان الواحد مش هايعرف ازاي ابوه كان بيحبه الا لما يخلف ويحب ابنه
المعلومة دي في دماغ الواحد وعارفها كويس بس ماحولش يسال نفسه هو ابويا بيحبني اد ايه
الا لما يحصل موقف يبين للواحد محبة ابوه
او تحس انك بتحب ابنك او بنتك وتقول لنفسك .. ياااه هو ابويا وامي كانوا بيحبوني كتير اد كدة
في اعتقادي اكتر من كدة
اللي فكرني هو قراءاتي لمجموعة مدونين كاتبين عن العلاقات الانسانية الجميلة اللي الواحد بيفتقدها احيانا في الغربةلان الحياة هنا تقريبا مادية ..
وكمان احنا جايين للمادة
فتلاقي مافيش وقت للعواطف
وحتي بيقولوا علينا هنا في الدوحة والخليج عموما ان احنا شعب عاطفي جدا
لدرجة واحد صاحبي كا شغال في التليفونات هنا بيقول - ودة قبل الموبايل - ان ايام العيد اكتر ناس بتبعت رسايل لاهلهم هما المصريين
..
المهم الواحد فعلا ما حسش اد ايه هو عاطفي والقلب احيانا بيتحكم الا لما شاف عياله وبالذات لما يكون الولد او البنت مريض بتبقي الحياة مالهاش طعم
..
البوست اللي جاي هاحكيلكم عن موقف مع عيالي
كل عيل له يوم او يومين ما يتنسوش ابدا
سلام
الاشتراك في الرسائل [Atom]
